Learjet 55 təyyarəsi Venesuelanın Mayquetia şəhərindəki Simon Bolivar beynəlxalq hava limanında qəzaya uğrayıb. INAC, ölkənin Milli Mülki Aviasiya İnstitutu (INAC) qəza barədə Instagram-da məlumat verib.
Onlar bildiriblər ki, biznes təyyarəsi 12:52-də qəzaya uğrayıb.
“İki sərnişin sağ-salamat çıxarılıb, onlara dərhal tibbi yardım göstərilib və vəziyyətləri stabildir”, – INAC əlavə edib.
“La Nación” qəzeti yazır ki, qəza yerindən qalın tüstü qatı Karakasdan görünüb. Hava nəqliyyatı müvəqqəti olaraq dayandırılıb.
İlkin məlumata görə, qəza havaya qalxan zaman, təkər partlayanda və ya eniş zamanı güclü küləyin enişinə mane olan zaman baş vermiş ola bilər. Təyyarədə iki sərnişindən başqa iki pilot da olub. Onların taleyi ilə bağlı rəsmi məlumat yoxdur.
