ABŞ hərbi dəniz esminesinin Trinidad və Tobaqoya gəlməsinə cavab olaraq Venesuelanın vitse-prezidenti Delsi Rodriges iki ölkə arasında mövcud enerji sazişlərinin kəsilməsini təklif edib.
Reuters xəbər verir ki, o, ABŞ gəmisinin yerləşdirilməsini ada dövləti tərəfindən “düşmən hərəkəti” adlandırıb.
USS Gravely idarəolunan raket esminesi yerli donanma ilə birgə təlimlər keçirmək üçün oktyabrın 26-da Trinidada gəlib. Gəmi daha əvvəl Karib dənizində narkotik qaçaqmalçılığında şübhəli bilinən gəmilərin qarşısını almaq üçün əməliyyatlarda iştirak edib.
Rodriges bundan əvvəl təlimləri kəskin tənqid edərək, onları “MKİ-nin hərbi təxribatı” adlandırmışdı. O, manevrlərin Venesuela və Trinidad və Tobaqo arasında “tam miqyaslı hərbi qarşıdurmanı” alovlandırmaq məqsədi daşıdığını iddia edir.
