“Eşitmə və Nitq Məhdudiyyətli Şəxslərə Sosial Yardım” İctimai Birliyinin nəzdində yaradılan “Mənim Dünyam” Mərkəzi ilk uğurlu layihəsini həyata keçirib.
İctimai.az xəbər verir ki, mərkəz qazilərimizlə gənclər arasında onlayn görüş təşkil edib. Görüşün əsas məqsədi həm Birinci, həm də, İkinci Qarabağ müharibəsinin qazilərini gənclərə tanıtmaqdır.
İlk vebinarın qonaqları Həsənov Kamil Məhəmməd oğlu və Həsənov Sənan Kamil oğlu olub. Onlar hər iki vətən müharibəsində yaşadıqları anları gənclərlə bölüşüblər.
Qeyd edək ki, sonda bütün iştirakçılara və qəhraman qazilərimizə sertifikatlar verilib.
