Volkswagen Qrupunun saytında yer alan hesabata görə, Volkswagen Qrupu Porsche elektrik avtomobilləri ilə bağlı problemlər səbəbindən bu il təxminən 6 milyard dollar itirə bilər.
Sentyabrın 20-də Volkswagen-ə məxsus Porsche şirkəti elan etdi ki, “bazar şərtləri” onu yeni elektrik avtomobillər xəttinin planlaşdırılan buraxılışını ləğv etməyə məcbur edir və şirkətin elektrik avtomobilləri üçün proqram platformasının inkişafı təxirə salınacaq.
Bundan əlavə, Porsche-nin əməliyyat marjası ortamüddətli perspektivdə 15-17%-dən 10-15%-ə qədər azalacaq.
Nəticədə Volkswagen idman avtomobilləri istehsalçısındakı səhmlərinin dəyərini 3 milyard avro (3,51 milyard dollar) azaldacaq. Volkswagen Qrupunun bu maliyyə ili üçün əməliyyat mənfəəti 2,1 milyard avro (2,46 milyard dollar) azalaraq, ümumi zərəri 5,1 milyard avroya (5,97 milyard dollar) çatdıracaq.
