Avropa Komissiyasının sədri Ursula fon der Leyen bəyan edib ki, Ukraynanın ərazisi və silahlı qüvvələrinin sayı Kiyevdə həll edilməlidir.
“Bunlar irəliləyiş üçün əsas Avropa prinsiplərimizdir: Ukraynanın ərazisinə və suverenliyinə hörmət edilməlidir. Yalnız Ukrayna suveren dövlət kimi öz silahlı qüvvələri ilə bağlı qərar verə bilər; onun taleyinin seçimi öz əlindədir”, – o vurğulayıb.
Noyabrın 23-də Cenevrədə Ukrayna və ABŞ prezidentləri Vladimir Zelenski və Donald Trampın görüşü ərəfəsində ABŞ-ın sülh planının mətninin razılaşdırılması üçün danışıqlar aparılıb.
