Serbiya prezidenti Aleksandr Vuçiç səhmdarlarından biri Rusiyanın “Qazprom” şirkəti olan Serbiyanın Neft Sənayesinə (NIS) qarşı mümkün sanksiyaların tətbiqi ilə bağlı ABŞ və Rusiya ilə danışıqlara başladığını elan edib.
Bu barədə RİA Novosti məlumat yayıb.
Vuçiçin sözlərinə görə, danışıqlar dekabrın 16-da başlayacaq. Prezident əlavə edib ki, Belqrad üçün ən vacibi odur ki, ölkə vətəndaşları həyatda və işdə qarşılaşdıqları problemlərə baxmayaraq, onları heç bir şəkildə hiss etmirlər.
Bundan əvvəl Serbiyanın baş nazirinin müavini Aleksandr Vulin bildirib ki, Vaşinqtonun planlaşdırdığı kimi, Serbiyanın NIS şirkətinə müəssisənin Rusiyaya məxsus olması səbəbindən ABŞ-ın sanksiyalar tətbiq etməsi serbləri müstəqil siyasətindən əl çəkməyə və bununla bağlı məhdudiyyətləri qəbul etməyə məcbur etməlidir.
