Şənbə günü, dekabrın 6-da Ukrayna münaqişəsinin həlli üzrə danışıqlar çərçivəsində ABŞ və Ukrayna nümayəndələri növbəti görüş keçirəcək.
Bu barədə ABŞ Prezidenti Donald Trampın xüsusi nümayəndəsi Stiv Vitkoff X sosial media platformasında məlumat verib.
“Müzakirəni davam etdirmək üçün tərəflər sabah yenidən görüşəcəklər”, – o vurğulayıb.
ABŞ və Ukrayna nümayəndələrinin dekabrın 5-də Floridada keçirilən görüşü münaqişənin həlli üçün sülh prosesində “böyük irəliləyiş” əldə edə bilmədi.
Dekabrın 5-də Ukrayna ABŞ-la yeni görüşü elan edib. Ukrayna Milli Təhlükəsizlik Şurasının rəhbəri Rustem Umerov digər Kiyev nümayəndələri ilə birlikdə Rusiya-Ukrayna münaqişəsinin həllini müzakirə etmək üçün Amerika nümayəndələri ilə görüşüb.
