Çinin Wuling şirkəti Starlight sedanının fotolarını yayıb. Carnewschina.com saytının məlumatına görə, yeniliyin satışı 2023-cü ilin dördüncü rübündə başlayacaq.
Qeyd olunur ki, bazarda Wuling Starlight sedanı büdcəli şəhər avtomobili kimi yerləşdiriləcək. Onun uzunluğu 4835 mm, təkər bazası 2800 mm-dir. Avadanlığa LED optika və 18 düymlük yüngül lehimli disklər daxil olacaq.
Avtomobil 136 at gücünə malik elektrik mühərriki ilə təklif olunacaq. O, həmçinin 1,5 litrlik benzin mühərriki və elektrik mühərriki daxil olan hibrid güc aqreqatı ilə də təqdim olunacaq.
Mənbə: Lenta.ru