Sanae Takaichi Yaponiyanın yeni baş naziri seçilib və ölkə tarixində hökumətə rəhbərlik edən ilk qadın olub.
Bu barədə Yaponiyanın NHK xəbər agentliyi məlumat yayıb.
Yaponiya Dietinin aşağı palatası Takaiçiyə səs verib. O, səsvermənin birinci turunda qalib gələrək 465 səsdən 237-ni toplayıb.
“Bu gün Yaponiya iqtisadiyyatını gücləndirmək və Yaponiyanı gələcək nəsillər üçün məsuliyyət daşımağa qadir bir ölkəyə çevirmək üçün başlanğıc nöqtəmiz olacaq. Mən bu işdə birgə işləməyi səbirsizliklə gözləyirəm”, – xəbər agentliyi onun sözlərini sitat gətirib.
Yeni baş nazirin ilk mətbuat konfransını çərşənbə axşamı axşam keçirəcəyi gözlənilir. O, həmçinin kabinetinin formalaşmasını da elan edə bilər.
