Yaponiyanın Baş naziri Sanae Takaiçi ikitərəfli münasibətlərin ağır vəziyyətinə baxmayaraq, “ərazi məsələsini” həll etmək və Rusiya ilə sülh müqaviləsi bağlamaq istədiyini bildirib. Onun sözləri TASS agentliyindən sitat gətirilib.
Takaiçi deyib: “Yaponiya-Rusiya münasibətləri ağır vəziyyətdə olsa da, Yaponiya hökumətinin mövqeyi dəyişməz olaraq qalır: ərazi məsələsini həll etmək və sülh müqaviləsi bağlamaq”.
Yaponiyanın Baş naziri həmçinin Rusiyanın Ukraynadakı hərəkətlərini tənqid edərək münaqişəyə tez bir zamanda son qoyulmasının vacibliyini qeyd edib.
Daha əvvəl Rusiyanın Tokiodakı səfiri Nikolay Nozdrev Yaponiyanın militarizasiyasının təkcə Rusiya tərəfindən deyil, həm də regiondakı digər ölkələr tərəfindən cavab tədbirləri ilə nəticələnəcəyini bildirmişdi.
