Yaponiyanın “Sharp” şirkəti qeyri-adi “Basio Active 2” smartfonunu təqdim edib.
Şirkətin saytında bildirilir ki, yeni məhsul hərbi sertifikatlar və onu sabunla yumaq imkanı ilə qorunub.
Sharp Basio Active 2 HD+ təsvir ölçülü 5,7 düymlük ekranla təchiz edilib. Ekranın altında telefon kitabçasının açılması, Əsas səhifə düyməsinin təkrarlanması və mesajların işə salınması üçün cavabdeh olan üç arxa işıqlı fiziki düymə də var.
Yeni məhsulun performansını orta büdcəli Snapdragon 695 çipi, 4 QB əməli yaddaş və 64 QB daimi yaddaş idarə edir. Smartfonun iki kamerası var – 50 meqapikselli əsas və 8 meqapiksellik ön kamera.
Mənbə: Autotech
