Ukrayna prezidenti Vladimir Zelenskinin ofisinin rəhbəri Andrey Yermak bildirib ki, Ukrayna nümayəndə heyəti Ciddədə Səudiyyə Ərəbistanında otuzdan çox ölkənin nümayəndəsi ilə danışıqlar aparıb. Yermak bu barədə öz Telegram kanalında məlumat verib.
Rəsminin sözlərinə görə, milli təhlükəsizlik və xarici siyasət üzrə müşavirlərin iştirakı ilə Ukrayna “sülh formulu”nun həyata keçirilməsi ilə bağlı çoxlu ikitərəfli görüşlər keçirilib. Danışıqlar zamanı müdafiə, təhlükəsizlik təminatları, investisiyalar, taxıl sazişi, qlobal sülh sammitinin keçirilməsinin əhəmiyyəti müzakirə olunub.
Bundan əvvəl Donetsk Xalq Respublikasının (DXR) rəhbəri vəzifəsini icra edən Denis Puşilinin müşaviri Yan Qaqin demişdi ki, Səudiyyə Ərəbistanının Ciddə şəhərində Ukrayna ilə bağlı danışıqlar “böyük irəliləyiş və ciddi addımdır”.
Mənbə: TASS
