YouTube videohostinqi ABŞ-da süni intellektdən (AI) istifadə edən yeni yaş yoxlama sistemini təqdim edib. Bu təşəbbüs yetkinlik yaşına çatmayanların müəyyən funksiyalara və məzmuna girişini məhdudlaşdırmaq üçün nəzərdə tutulub, hətta onların profil məlumatları onların qanuni yaşda olduğunu göstərsə belə.
Bu barədə CNN məlumat yayıb.
Platformanın alqoritmləri istifadəçinin 18 yaşından kiçik olduğunu müəyyən edərsə, onun hesabı bir sıra məhdudiyyətlərə məruz qalacaq. Xüsusilə, belə istifadəçilərə yalnız fərdiləşdirilməmiş reklamlar göstəriləcək, baxmağa fasilə vermək zərurəti ilə bağlı xatırlatmalar avtomatik aktivləşdiriləcək, video yükləyərkən və ya şərhlər göndərərkən xüsusi məxfilik xəbərdarlığı görünəcək. Bundan əlavə, platforma potensial olaraq arzuolunmaz məzmunlu videoları izləmək üçün daha az təklif edəcək və “18+” kimi qeyd olunan videolara girişi tamamilə bloklayacaq.
Yaşlarının səhv müəyyən edildiyinə əmin olan istifadəçilər üçün yoxlama mexanizmi təqdim olunur. Buraya dövlət şəxsiyyət vəsiqəsinin şəklini, sənədlə müqayisə üçün selfi və ya yetkinlik sübutu kimi xidmət edən kredit kartı detallarını yükləməklə şəxsiyyəti təsdiqləmək imkanı daxildir.
