Grubby Fergus Smithers-də qidalanma mütəxəssisi və qida rəhbəri deyir ki, yatmazdan əvvəl tünd şokolad yemək daha tez yuxuya getməyə kömək edə bilər. Onun sözlərini “The Mirror” sitat gətirir.
Smithers deyir ki, tünd şokoladın tərkibində triptofan amin turşusu var. Yuxu və əhval-ruhiyyəni tənzimləyən serotonin səviyyəsini artırır.
“Tünd şokoladda maqnezium və triptofan kimi yuxu üçün faydalı ola biləcək bir neçə qida maddəsi var. Maqnezium əzələləri rahatlamağa və sakitləşdirməyə kömək edən, yuxuya getməyi asanlaşdıran bir mineraldır” dedi.
Sosial media X-də həkim Martin Hartmann Smithersin nöqteyi-nəzəri ilə razılaşdı. O qeyd edib ki, əgər yuxu probleminiz varsa, maqnezium lazımdır, onu əldə etmək üçün isə qara şokolad və ya avokado yemək lazımdır. Məqalədə Smithers yuxuya getməyinizə kömək edən digər qidaları da qeyd edir: kivi, banan, kələm və humus.
