Rusiya və ABŞ-ın Arktikada mineral ehtiyatların mənimsənilməsi regionda iki ölkə arasında əməkdaşlığın ən perspektivli sahəsidir.
Bunu Şərq İqtisadi Forumunda müsahibəsində Rusiya Xarici İşlər Nazirliyinin rəsmi nümayəndəsi Mariya Zaxarova deyib.
Onun sözlərinə görə, Rusiya ilə ABŞ arasında Arktika regionunda əməkdaşlığın, ilk növbədə, ümumi sərhədlər və hər iki ölkənin iqtisadi maraqlarının yaxınlaşması fonunda ikitərəfli gündəmdə mühüm yer tutmaq üçün hər cür əsas var.
Diplomat xatırladıb ki, Arktika qiymətli minerallar, metallar və enerji ehtiyatlarının “anbarıdır”. Buna görə də Rusiya-Amerika dialoqunun potensialı göz qabağındadır, o cümlədən ətraf mühitin mühafizəsi sahəsində, Zaxarova əlavə edib.
