Ukrayna Prezidenti Volodimir Zelenski özünün Telegram kanalında Odessaya gecə endirilən zərbələrin regionun enerji sisteminə ciddi ziyan vurduğunu bildirib.
Onun sözlərinə görə, 27 yanvar gecəsi Odessada 50-dən çox pilotsuz uçuş aparatı buraxılıb. Zərbələr elektrik enerjisinin istehsalı və paylanmasından məsul olan obyektləri hədəfə alıb.
Zelenski yazıb ki, gecə ərzində Ukrayna ərazisində 165 hücum dronunun buraxıldığı bildirilir. Onlar müxtəlif bölgələrdə enerji və digər vacib infrastruktur sahələrinə hücum ediblər.
Enerji şirkəti DTEK zərərin ciddiliyini təsdiqləyib.
“Zərər genişmiqyaslıdır. Avadanlıqların iş vəziyyətinə qaytarılması təmir işləri ilə uzun müddətə başa gələcək”, – holdinqin mətbuat xidməti Telegram kanalında bildirib.
