Rusiya zirehli texnikaları, strukturları və təyyarələri məhv etmək üçün yeni Hermes çoxfunksiyalı raket sisteminin sınaqlarını davam etdirir.
Bu barədə RİA Novosti KBP-nin mətbuat xidmətinə istinadən xəbər verir.
Qeyd olunur ki, kompleksin Rusiya Müdafiə Nazirliyinə təhvil verilməsi barədə qərar sınaqların nəticələrinə əsasən veriləcək. KBP onu da əlavə edib ki, vəziyyət və tapşırıqlardakı dəyişikliklər nəzərə alınmaqla Hermes-in təkmilləşdirilməsi üzrə işlər davam edir.
Hermes kompleksi 100 kilometrə qədər məsafədə tankları və zirehli texnikaları vurmaq gücündədir. Raketin əsas versiyası saniyədə 1,3 min metrə qədər sürətə malikdir və yüksək vuruş dəqiqliyinə malikdir.
Mənbə: RİA Novosti