İsveçin baş naziri Ulf Kristersson bildirib ki, Stokholm Türkiyədə keçirilən prezident seçkilərindən sonra Şimali Atlantika Alyansına qoşulma məsələsində Ankara ilə əlaqə saxlayıb.
Bu barədə TASS məlumat yayıb.
“Bizim [türk tərəfdaşlarla] bir sıra təmaslarımız olub, o cümlədən ötən bazar günü keçirilən prezident seçkilərindən sonra. Təbii ki, biz bu konkret məsələdə Türkiyə tərəfi ilə daim əlaqə saxlayırıq”, – Kristersson bildirib.
Bundan əvvəl ABŞ prezidenti Co Bayden türkiyəli həmkarı Rəcəb Tayyib Ərdoğanla İsveçin NATO-ya daxil olmasını müzakirə etdiyini və onu bu məsələni həll etməyə çağırdığını bildirib. O əlavə edib ki, dövlət başçıları bu mövzuda əlaqələri davam etdirmək barədə razılığa gəliblər.
Mənbə: TASS