Rəsmi Budapeşt İsveçin NATO-ya daxil olmasına razılıq vermək istəməməsini İsveç hökumətinin nümayəndələrinin müntəzəm olaraq həm macar seçicilərini, həm də bütövlükdə Macarıstanı təhqir etməsi ilə izah edib.
Bu barədə “İzvestiya” qəzetinə Macarıstanın hakim Fides partiyasının mətbuat xidmətindən məlumat verilib.
Onlar vurğulayıblar ki, iki ölkə arasında mövcud fikir ayrılıqları qətiyyən NATO-ya ötürülməməlidir. Yalnız Macarıstan parlamentinin Stokholmla bağlı qorxuları aradan qalxdıqda, macar siyasətçilərinin əksəriyyəti İsveçin Şimali Atlantika Alyansı sıralarına daxil olmasına səs verə biləcək.
Daha əvvəl məlumat verilmişdi ki, İsveçin baş naziri Ulf Kristersson macar həmkarı Viktor Orbanla görüşmək niyyətində olduğunu açıqlayıb. İclasın keçirilməsinə səbəb Macarıstan parlamentinin İsveçin NATO-ya üzvlüyünün ratifikasiyasını təxirə salacağı ilə bağlı xəbərlər olub. İyunun 29-30-da Brüsseldə Aİ sammiti keçiriləcək.
Mənbə: Lenta.ru