ABŞ dövlət katibi Entoni Blinken Böyük Britaniya, Litva və İndoneziyaya səfər edəcək.
TASS xəbər verir ki, bu barədə ABŞ Dövlət Departamentinin mətbuat xidməti məlumat yayıb.
Nazirlik dəqiqləşdirib ki, Blinkenin səfəri iyulun 9-dan 15-dək baş tutacaq. Əvvəlcə ABŞ dövlət katibi ABŞ prezidenti Co Baydenin nümayəndə heyətinin tərkibində Londona, daha sonra isə iyulun 11-12-də NATO sammitinin keçiriləcəyi Vilnüsə gedəcək.
Daha sonra Blinken Cakartaya səfər edəcək, burada xarici işlər nazirləri səviyyəsində Cənub-Şərqi Asiya Ölkələri Assosiasiyasının (ASEAN), Şərqi Asiya Sammitinin və ASEAN Regional Təhlükəsizlik Forumunun (ARF) tədbirlərində iştirak edəcək. Dövlət Departamentinin məlumatına görə, görüşlərdə Blinken Rusiyanın Ukraynada keçirdiyi xüsusi əməliyyat, Cənubi Çin dənizindəki vəziyyət, iqlim dəyişikliyi ilə mübarizə, eləcə də Myanmadakı vəziyyətə toxunacaq. Bundan əlavə, Blinken ABŞ-İndoneziya Strateji Dialoqunun ikinci mərhələsinə həmsədrlik edəcək.
Mənbə: TASS