Hərbi ekspert, Yaxın Şərqdə hərbi-strateji məsələlər üzrə ixtisaslaşmış livanlı general Naci Malaib Livan-İsrail sərhədində qarşıdurmanın genişlənməsi səbəbindən hərbi ssenari ehtimalının artması ilə bağlı fikirlərini bildirib. Bu barədə o, TASS-a məlumat verib.
Malaib qeyd edib ki, hər gün Livanın cənubunda vəziyyət daha da mürəkkəbləşir və müharibə zonası yeni ərazilərə doğru genişlənir. Nəticədə sərhəd münaqişəsinin açıq müharibəyə çevrilməsi real təhlükəsi var.
Malaib vurğulayıb ki, İsrailin şiə Hizbullah milislərinin bazalarına zərbələri sərhəd münaqişəsində adi döyüş qaydalarını pozur. Livanlı general qeyd edib ki, İsrailin mülki hədəfləri və yaşayış binalarını atəşə tutmasına və hava hücumlarına cavab olaraq, Hizbullah döyüşçüləri reaksiya verməyə bilməz və İsrailin şimalındakı yəhudi yaşayış məntəqələrinə cavab hücumları həyata keçirirlər. O əlavə edib ki, bu atışmalar getdikcə zorakılığa çevrilir.
Mənbə: TASS