Amerikanın OpenAI şirkəti süni intellektə (AI) əsaslanan ChatGPT chatbotundan istifadə siyasətini yeniləyib, onun texnologiyasının hərbi məqsədlər üçün istifadəsinə qoyulmuş birbaşa qadağanı aradan qaldırıb.
Yanvarın 10-na qədər OpenAI-nin məhsul təlimatları səhifəsində süni intellektdən “yüksək fiziki zərər riski olan fəaliyyətlər”, o cümlədən “silahların hazırlanması” və “hərbi fəaliyyətlər” üçün istifadə edilməsinə icazə verməyən müddəa daxil edilib. Bu qaydalar Müdafiə Departamenti və ya digər hərbiləşdirilmiş dövlət qurumları tərəfindən ChatGPT-nin istifadəsini istisna edirdi.
Qaydaların yeni versiyasında OpenAI neyron şəbəkələrinin özünə və ya başqalarına zərər vurmaq, o cümlədən silah yaratmaq və ya istifadə etmək üçün istifadəsinə qadağa qoyulmuşdu, lakin orduda və hərbi işlərdə istifadənin yolverilməzliyi haqqında bənd ortadan qalxdı.
OpenAI ChatGPT istifadə siyasətinin redaktəsini qaydalar və prinsiplər toplusunun sadələşdirilməsi zərurəti ilə izah etdi. Şirkət vurğuladı ki, “özünüzə və başqalarına zərər verməmək” tələbi mümkün qədər geniş olaraq qalır və chatbotdan istifadə edərək silahların hazırlanması və istifadəsinə qoyulan qadağa ilə aydınlaşdırılır.
Mənbə: haberler.com