ABŞ hakimiyyəti Avropa ölkələrini Hindistana qarşı sanksiyalar tətbiq etməyə, o cümlədən neft və qaz tədarükünü tamamilə dayandırmağa çağırıb.
Bu barədə “Axios” və “India Today” mənbələrə istinadən məlumat yayıb.
Qeyd olunur ki, ABŞ prezidenti Donald Trampın administrasiyası Avropa liderlərini ABŞ kimi Hindistandan gələn mallara əlavə rüsumlar tətbiq etməyə çağırır. Avqustun 27-də ABŞ-ın Hindistan idxalına tətbiq etdiyi əlavə 25 faizlik rüsum qüvvəyə minib. İndi Hindistan üçün bu nisbət 50% təşkil edir.
Axios-a görə, ABŞ Avropanın Çinə də əlavə tariflər tətbiq etməsində israr edir. Nəşrin Trampın çevrəsindəki mənbələri hesab edir ki, Böyük Britaniya və Fransa rəhbərliyi daha təmkinli davransa da, bir sıra Avropa ölkələri bütün xərcləri amerikalıların üzərinə götürəcəklərinə ümid edir.
