ABŞ prezidenti Co Baydenin administrasiyası bu həftənin əvvəlində Çindən idxal edilən elektrik avtomobilləri, tibbi ləvazimatlar və günəş avadanlığı kimi sektorlara təsir edən yeni tarifləri elan etməyə hazırlaşır.
Bu barədə “Reuters” öz mənbələrinə istinadən yazır.
Vaşinqtonun 2024-cü ilin noyabrında ABŞ-da keçiriləcək prezident seçkiləri ərəfəsində Pekinə qarşı ticarət siyasətini sərtləşdirməsi gözlənilir. İkinci müddətə namizəd olmaq istəyən demokrat Bayden, Respublikaçı sələfi Donald Trampın Çin mallarına tətbiq etdiyi idxal tariflərinin əksəriyyətini qoruyarkən Çinə qarşı sərt mövqe tutur.
Yeni tariflər çox güman ki, Amerika bazarında hələ də zəif təmsil olunan Çin elektrik avtomobillərinə təsir edəcək. 2023-cü ilin birinci rübündə təkcə Geely avtomobil istehsalçısı ABŞ-a 2217 avtomobil ixrac edib. Agentlik yazır ki, Çin günəş sənayesi üçün ciddi təhlükə gözlənilmir, çünki Çin 2022-ci ildə ABŞ-a 17 milyon dollardan az dəyərində günəş panelləri və elementləri tədarük edib ki, bu da onun ixracının kiçik bir hissəsidir.
