ABŞ-ın Konnektikut ştatında yüngül mühərrikli təyyarənin suya düşməsi nəticəsində iki sərnişin xilas edilib. Bu barədə “New York Post” məlumat yayıb.
Mövcud məlumata görə, altı nəfərlik Piper PA-32 təyyarəsi Bridgeport hava limanından qalxdıqdan təxminən 10 dəqiqə sonra Long Island Sound-a çırpılıb. Təhlükə ilə bağlı çağırış alan Sahil Mühafizəsi 15 dəqiqə ərzində qəza yerinə çata bilib və gəmidə olan 41 yaşlı kişi və 17 yaşlı qızı göyərtəyə qaldıra bilib. Sərnişinlər yalnız kiçik kəsiklər alıblar. Onlar hazırda Yale Universiteti Xəstəxanasına yerləşdirilib, vəziyyətləri stabil qiymətləndirilir.
ABŞ Federal Aviasiya İdarəsi (FAA) insidentlə bağlı araşdırmalara başlayıb.
