ABŞ Dövlət Departamentinin sözçüsü Metyu Miller bildirib ki, Vaşinqton İsrail hakimiyyətinin fələstinlilərin Qəzza zolağından kənara köçürülməsinin zəruriliyi ilə bağlı son bəyanatlarını dəstəkləmir, RİA Novosti.
Millerin sözlərinə görə, Birləşmiş Ştatlar fələstinlilərin Qəzzadan kənara köçürülməsi ilə bağlı İsrailin son iddialarını rədd edir. Dövlət Departamentinin sözçüsü bu ritorikanı “məsuliyyətsiz və düşmənçiliyi qızışdıran” adlandırıb. O vurğulayıb ki, İsrail hökuməti, o cümlədən şəxsən ölkənin baş naziri dəfələrlə Vaşinqtonu əmin edib ki, bu cür bəyanatlar İsrailin rəsmi siyasətini əks etdirmir. Ona görə də Miller qeyd edib ki, bu cür bəyanatlar dərhal dayandırılmalıdır.
Dövlət Departamentinin sözçüsü vurğulayıb ki, Qəzza zolağı Fələstin ərazisidir və qalacaq, lakin radikal HƏMAS hərəkatı hakimiyyətdə qalmamalıdır.
Mənbə: RİA Novosti
