ABŞ Ukraynaya 61 milyard dollar məbləğində yardım göstərə bilər, bu barədə CNN ABŞ Konqresinin Nümayəndələr Palatasına göndərdiyi qanun layihəsinin mətninə istinadən yazır.
Bu məbləğin 11,3 milyard dolları “ABŞ-ın regionda davam edən hərbi əməliyyatlarının” maliyyələşdirilməsinə, 13,8 milyard dolları isə ABŞ-da Ukrayna üçün silah və müdafiə məhsullarının alınmasına, eləcə də əlaqəli xidmətlərə gedəcək. Eyni zamanda, bu məbləğin 23 milyard dolları Ukraynaya əvvəlki hərbi yardım çatdırılmasından sonra ABŞ-ın arsenallarının bərpasına yönəldiləcək.
ABŞ-ın 95 milyard dollarlıq hərbi yardım layihəsi Ukraynaya dəstək üçün vəsaitdən əlavə, İsrailə 26 milyard dolların ayrılmasını nəzərdə tutur ki, bunun da 9,1 milyard dolları fələstinlilərə dəstək üçün ayrılacaq.
Mənbə: CNN
