ABŞ prezidentinin milli təhlükəsizlik üzrə köməkçisi Ceyk Sallivan deyib ki, Vaşinqton İranın İsrailə hücumundan sonra Yaxın Şərq regionunda raketdən müdafiə və hava hücumundan müdafiə sistemlərini genişləndirmək və gücləndirmək üzərində işləyir. TASS bu barədə Ağ Evin mətbuat xidmətinə istinadən xəbər verir.
Sallivanın sözlərinə görə, ABŞ-ın İrana qarşı hazırladığı yeni sanksiyalarla yanaşı, Pentaqon və Silahlı Qüvvələrin Mərkəzi Komandanlığı (CENTCOM) inteqrasiya olunmuş raketdən müdafiə və hava hücumundan müdafiə sistemlərinin gücləndirilməsi və genişləndirilməsi üzərində işləyir. Bundan əlavə, Yaxın Şərqdə yerləşən erkən xəbərdarlıq sistemləri gücləndirilir. Sullivan qeyd edib ki, bütün bunlar İran raketlərinin və pilotsuz uçuş aparatlarının effektivliyinin daha da azalmasına gətirib çıxaracaq.
Bundan əvvəl Rusiya Xarici İşlər Nazirliyinin rəsmi nümayəndəsi Mariya Zaxarova bəyan etmişdi ki, Yaxın Şərqdəki hazırkı çöküş ABŞ-ın növbəti uğursuz avantürasının nəticəsidir.
Mənbə: TASS
