Avqustda Yohannesburqda keçiriləcək BRİKS sammitinə (Braziliya, Rusiya, Hindistan, Çin, Cənubi Afrika) bütün Afrika ölkələrinin başçıları dəvət olunub.
Bu barədə Cənubi Afrika Xarici İşlər Nazirliyində Asiya və BRİKS ölkələri üzrə səfir Anil Suklal brifinqdə məlumat verib.
Onun sözlərinə görə, Cənubi Afrika Respublikasının prezidenti Siril Ramaposa BRİKS ilə əməkdaşlıq yolu ilə Afrika ölkələrinin bütün liderlərini dəvət etmək qərarına gəlib. Onların hamısı dəvət olunub.
O qeyd edib ki, 2023-cü ildə Cənubi Afrika BRİKS-ə sədrlik edir və Afrikaya və yeni tərəfdaşlıq formalarının axtarışına xüsusi diqqət yetirir.
Bundan əvvəl Efiopiya Xarici İşlər Nazirliyinin rəsmi nümayəndəsi Melesa Alema bildirmişdi ki, respublika BRİKS-ə üzv ölkələrin assosiasiyaya qoşulmaq üçün müraciəti ilə bağlı müsbət qərara ümid edir.
Efiopiya Xarici İşlər Nazirliyinin nümayəndəsi BRİKS dövlətlərinin respublikanın müraciətinə müsbət cavab verəcəyinə ümid etdiyini bildirib.
Mənbə: BBC