Oddity Central xəbər verir ki, Britaniya ailəsi onları hesabı ödəmədən tərk etməkdə günahlandıran restorandan 100 min dollar təzminat alıb.
Peter McGuirr, həyat yoldaşı Enn və uşaqları Peter Jr və Carol bir oteldə istirahət edərkən bir restorana baş çəkdilər və 200 dollarlıq şam yeməyi sifariş etdilər. Lakin onlar gedəndən az sonra müəssisə rəhbərliyi sosial şəbəkədə müşahidə kamerasına düşən videonu yayaraq, ailənin hesabı ödəmədən kafeni tərk etdiyini bildirib.
İddialar geniş ictimai etiraza səbəb olub, ölkə manşetlərinə çevrilib və əvvəllər qüsursuz hesab edilən bir ailənin reputasiyasına ciddi zərbə vurub. Əslində, sonradan məlum olduğu kimi, Piter bank kartı ilə ödəniş etsə də, restoran işçisi ödənişi kassa aparatı vasitəsilə həyata keçirməyi unudub.
Restoran sahibinin pulsuz yemək və yerləşmə ilə bağlı uğursuz cəhdlərindən sonra ailə şərəf və ləyaqətini qorumaq üçün məhkəməyə müraciət edib. Nəticədə qurum rəsmi olaraq üzr istəyərək məhkəmə başlamazdan əvvəl 100.000 dollar təzminat ödəməyə razı oldu.
