Kopenhagen Universitetinin Danimarka alimləri Şimali Avropa əhalisinin təxminən 5 min il əvvəl geniş miqyasda məhv olmasının səbəbini müəyyən ediblər. Mütəxəssislərin fikrincə, Daş dövrünə aid kənd təsərrüfatı icmaları vəba epidemiyasının qurbanı olub. Tədqiqat “Science” elmi jurnalında dərc olunub.
Neolit süqutu kimi tanınan fəlakətin mənşəyi uzun müddətdir elmi ictimaiyyətdə müzakirə mövzusu olaraq qalır.
Yeni araşdırmada komanda bütün Skandinaviyada tapılan insan dişlərinin və sümüklərinin DNT-sini təhlil edib. Tədqiqatçılar 108 nəfərin qalıqlarını təhlil ediblər. Onların 17%-i ölüm zamanı taun xəstəliyinə yoluxmuşdur.
Mənbə: Science
Rashad Bayramov