Şömine istifadə edərkən, insanın ağciyərlərinə və qanına daxil ola biləcək təhlükəli hissəciklər yaranır. Bunu Energy Research & Social Science (ERSS) jurnalında dərc olunan araşdırma göstərib.
Alimlər açıq və qapalı kaminləri olan bir neçə evdə havanın keyfiyyətini qiymətləndiriblər. Hava nümunələri gün ərzində hər 11 dəqiqədən bir toplanırdı. Zərərli mikrohissəciklərin orta konsentrasiyası çox vaxt Ümumdünya Səhiyyə Təşkilatının (ÜST) tövsiyə etdiyi həddi aşırdı. Onların səviyyəsi kamindən istifadə etdikdən sonra bir-üç saat ərzində yüksək olaraq qaldı. Bu maddələrin konsentrasiyası qapalı şömine olan evlərdə bir qədər aşağı idi.
Alimlər qeyd ediblər ki, gələcək tədqiqatçılar qışda kamindən istifadənin qaçılmaz olduğu evlərdə havanın keyfiyyətini qiymətləndirməlidirlər. Onların sakinləri ağciyər və ürək xəstəlikləri riski ilə üzləşə bilər. Şöminenin incə hissəciklərinə uzun müddət (bir neçə ay və ya il) məruz qalmanın da uşaqlarda ürək xəstəliyi, ağciyər xəstəlikləri və tənəffüs inkişafının pozulması riskinin artması ilə əlaqəli olduğu göstərilmişdir. ÜST bu incə hissəciklərə ildə üç gündən çox uzun müddət məruz qalmamağı tövsiyə edir.
Mənbə: Haberler.com
