Amerikalı müğənni Teylor Sviftin Avstriya paytaxtında baş tutmalı olan üç konserti mümkün terror aktı təhlükəsi səbəbindən ləğv edilib. Bu barədə avstriyalı tədbir təşkilatçısı Barracuda Music məlumat verib.
Swift, Eras turu çərçivəsində avqustun 8, 9 və 10-da Vyananın Ernst Happel Stadionunda çıxış etməli idi. Bununla belə, stadionda terror aktının baş verə biləcəyi ilə bağlı məlumatlar ortaya çıxıb. Avstriya təhlükəsizlik qüvvələrinin nümayəndələri bu məlumatı təsdiqləyiblər. Bundan sonra konsert təşkilatçıları onları ləğv etmək məcburiyyətində qalıb.
Tamaşaçıların biletlərə görə ödədikləri pul 10 iş günü ərzində onlara qaytarılacaq.
