NASA-nın Goddard Kosmik Uçuş Mərkəzindən olan amerikalı astrofiziklər superkütləli qara dəliyə dalmağın necə görünəcəyini göstərən interaktiv simulyasiya yaradıblar.
Tədqiqat kosmik agentliyin rəsmi saytında dərc olunub.
Alimlər öz layihələrində NASA-nın Discover superkompüterindən istifadə ediblər. Beş gün ərzində proqram 10 terabayt məlumat yaradıb və bu, qara dəliyə düşmənin necə göründüyünü göstərən videoların əsasını təşkil edib. Komanda adi noutbukda belə hesablamaların 10 il çəkəcəyini qeyd edib.
Video simulyasiyada kamera qara dəlikdən təxminən 640 milyon kilometr məsafədən başlayır və onun mərkəzinə doğru hərəkət edir. Yaxınlaşdıqca, material diski və foton halqası kimi tanınan daxili quruluş getdikcə aydınlaşır.
Bu elementlər, eləcə də ətraf məkan-zaman virtual müşahidəçi yaxınlaşdıqca təhrif olunur. Bundan sonra kamera obyektin hadisə üfüqündən kənara çıxır.
Mənbə: Haberler.com
