Bavariyanın baş naziri və Xristian Sosial Birliyinin (CSU) lideri Markus Söder ZDF telekanalının efirində Almaniyadakı ukraynalı qaçqınları Bürggeldin əsas işsizlik müavinətindən məhrum etməyi təklif edib.
Söderin sözlərinə görə, mövcud sosial dəstək sistemi ukraynalıları iş tapmaqdan çəkindirir və ona yenidən baxılmalıdır. O vurğulayıb ki, heç bir Aİ ölkəsi belə şərait yaratmır və bu, onun sözlərinə görə, məşğulluğun aşağı səviyyəsini izah edir – Ukraynadan olan qaçqınların yalnız 30%-ə yaxını iş tapa bilib.
Siyasətçi onu da əlavə edib ki, müavinətlərin ləğvi tədbirləri təkcə mövcud koalisiya sazişində nəzərdə tutulduğu kimi 2025-ci ilin aprelindən sonra gələnlərə deyil, həm də artıq ölkədə olan bütün ukraynalılara şamil edilməlidir.
