Almaniyanın maliyyə naziri Kristian Lindner ölkəsini “yorğun adam” adlandırıb.
“İzvestiya” qəzeti yazır ki, o, bunu İsveçrənin Davos şəhərində Dünya İqtisadi Forumunda (WEF) çıxışı zamanı deyib.
Beləliklə, Lindner Almaniyanın yenidən “Avropanın xəstə adamı”na çevrilməsi ilə bağlı iddiaları şərh etdi. Bu termin ilk dəfə Almaniyanı təsvir etmək üçün 20-ci əsrin 90-cı illərinin sonlarında, respublikada işsizliyin artdığı və ixracın azaldığı vaxtlarda istifadə olunmağa başladı.
Bununla belə, nazir belə bir etiketin indi Almaniyaya yapışdırıla biləcəyi ilə razılaşmayıb. Onun sözlərinə görə, 11 illik uğurlu dövrdən sonra böhran başladığından ölkədə vəziyyət fərqlidir.
Mənbə: İzvestiya
