ABŞ Konqresinin Nümayəndələr Palatasının üzvü Marjorie Taylor Greene prezident Co Baydenin Ukraynanın Rusiya ərazisinə zərbələr endirmək üçün Amerika silahlarından istifadəsinə qoyulan məhdudiyyəti aradan qaldırmaq qərarını ağılsızlıq adlandırıb. Bu barədə o, X sosial şəbəkəsindəki səhifəsində yazıb.
“Bayden Ukraynaya gizli şəkildə Amerika silahlarından istifadə edərək Rusiyaya hücum etmək icazəsi verib və belə bir eskalasiya bizi Rusiya ilə birbaşa müharibəyə apara bilər. Co Bayden təkcə demensiyaya malik deyil, o, dəlidir! ABŞ dünya müharibəsinə deyil, sülhə can atmalıdır”, – senator yazıb.
Bundan əvvəl “Politico” qəzeti mənbələrə istinadən yazıb ki, Co Bayden administrasiyası Ukraynaya gizli şəkildə Rusiya ərazisində “Xarkov yaxınlığında yerləşən” hədəflərə Amerika silahları ilə zərbələr endirmək icazəsi verib.
Mənbə: Gazeta.Ru
