Doctor Web istifadəçilərə casusluq edə, onların fayl və məlumatlarını kibercinayətkarlara ötürə bilən Android üçün zərərli proqram modulu aşkarlayıb.
Ümumi tirajı 421 milyon yüklənmədən çox olan proqramlarda SpinOk adlı modul tapılıb.
Qeyd olunur ki, SpinOk modulu tərtibatçılar tərəfindən müxtəlif Android oyun və proqramlarında, o cümlədən Google Play-də mövcud olan proqramlarda quraşdırılıb. O, istifadəçilərə mini-oyunlar, tapşırıq sistemi və uduşlar təklif edən marketinq SDK adı altında paylanır.
Eyni zamanda, o, C&C serverinə qoşulur və ona yoluxmuş cihaz haqqında texniki məlumatları, o cümlədən sensor məlumatları göndərir. Bu, modula emulyator mühitlərindən yan keçməyə və fəaliyyətini informasiya təhlükəsizliyi mütəxəssislərindən gizlətməyə imkan verir.
Mənbə: Autotech
