2025-ci ildə satışa çıxmağa hazırlaşan iPhone 17 Plus digər Plus seriyalı smartfonlarla müqayisədə daha kiçik ekrana sahib olacaq. Bu barədə 9to5Mac portalı insayder və Display Supply Chain Consultants analitik şirkətinin rəhbəri Ross Yanqa istinadən məlumat yayıb.
Mənbəyə görə, iPhone 17 Plus standart iPhone 17 və 17 Pro modelləri ilə flaqman iPhone 17 Pro Max arasında aralıq mövqe tutacaq. Apple-ın belə bir addım atmasının səbəbləri açıqlanmır.
Apple smartfonlarının hazırkı xətti dörd modeldən ibarətdir: 6,1 düymlük ekranlı iPhone 15 və 15 Pro, həmçinin 6,7 düymədək artırılmış displeylər təklif edən 15 Plus, 15 Pro Max. Artıq iki ildir ki, Apple bu taktikanı izləyir – iPhone 12 və 13 sıralarında Plus əvəzinə 5,4 düymlük ekrana malik iPhone mini təqdim edilib.
Mənbə: Autotech
