Roskosmos ikinci Arktika-M peykindən ilk görüntünün alındığını elan etdi. Görüntülər korporasiyanın Telegram kanalında yayımlanıb.
“Peyk 63,3 dərəcə ekvator mailliyi, təqribən 38 900 kilometr apogey hündürlüyü və təqribən 1400 kilometr perigey hündürlüyü ilə işlək yüksək elliptik Molniya tipli orbitdədir. Kosmik gəminin bütün xidmət sistemləri normal işləyir”, – Roskosmos bildirib.
İkinci Arktika-M peyki 2023-cü il dekabrın 16-da, birinci peyk isə 28 fevralda buraxılıb və 3 sentyabr 2021-ci ildə istismara qəbul edilib. İki peyk Rusiyanın şimal ərazisini və Yer kürəsinin Arktika bölgəsini daim izləmək üçün öz orbital seqmentlərində əməkdaşlıqda işləyəcək. Peyk bürcünün 2031-ci ilə qədər dörd peykdən ibarət olacağı gözlənilir.
Mənbə: TASS
