İran Yaxın Şərqdə münaqişəyə qarışarsa, Brent markalı neftin qiyməti bir barel üçün 100 dolları keçəcək. Bu fikri Lenta.ru ilə söhbətində resurs və enerji bazarı üzrə müstəqil ekspert Vladimir Demidov deyib.
O, aydınlaşdırıb ki, neftin qiymətinin artacağını proqnozlaşdırmaq çətindir, çünki yanacağın maya dəyəri tənliyində həm alıcılar, həm istehsalçılar, həm də bazar şəraitindən asılı olmayaraq yüksək mənfəətdə maraqlı olan treyderlər var. Demidov xatırladıb ki, 1973-cü ildə ərəb-İsrail münaqişəsi zamanı neftin qiyməti bir ay ərzində üçdə bir, İsrail və onun müttəfiqlərinə qarşı neft embarqosu elan edildikdən sonra isə üç dəfə artıb.
“İsrail və Fələstin arasında münaqişə oktyabrın 7-də (2023-cü il – redaktorun qeydi) başlayıb, lakin o vaxtdan neftin qiymətlərində azalma tendensiyası var (azalma mənfi 18% olub). İndi münaqişədən əvvəlki qiymətlə indiki qiymət arasında mənfi 10% fərq var ki, bu da dünya neftinin 20%-ə qədərinin keçdiyi Hörmüz boğazının bağlanması riskinin yüksək olması səbəbindən məntiqsizdir”, – ekspert qeyd edib.
Mənbə: A Haber
