2024-cü ildə Avropa Birliyi ölkələri müdafiə xərclərini 2023-cü illə müqayisədə 19% (ÜDM-in 1,9%-i) artıraraq 343 milyard avroya çatdırıb. Bu barədə Avropa Müdafiə Agentliyinin (EDA) illik hesabatında deyilir.
Sənəddə deyilir ki, ilkin məlumatlar göstərir ki, 2025-ci ildə Aİ-yə üzv dövlətlərin müdafiə xərcləri NATO-nun ÜDM-in 2%-i hədəfini keçərək 392 milyard avroya çata bilər.
İyunun 24-25-də Haaqada NATO-nun sammiti keçirilib və burada təşkilata üzv dövlətlərin rəhbərləri müdafiə xərclərini ÜDM-in 5%-ə çatdırmaq barədə razılığa gəliblər. Mətbuat konfransında NATO-nun baş katibi Mark Rutte vurğulayıb ki, Şimali Atlantika Alyansı Rusiya təhlükəsinə qarşı özünü müdafiə edə biləcəyinə əmin olmalıdır.
