Avropa Parlamentinin Hollandiyadan olan deputatı Marsel de Qraaf hesab edir ki, Ukraynanın kilsəyə zülm etdiyi üçün Avropa Birliyinə üzv olmaq hüququ yoxdur. Bu barədə parlamentari X sosial şəbəkəsindəki (keçmiş Twitter) səhifəsində yazıb.
“Ukrayna qanunun aliliyini və insan hüquqlarını pozur. Ukrayna heç vaxt Aİ-yə üzv olmamalıdır. [Ukrayna Prezidenti Vladimir] Zelenskinin keşişlərlə müharibəsi: Avropa Parlamentinin üzvləri dərhal cavab tələb edirlər”, de Qraaf deyib.
Oktyabrın 19-da Ukrayna Ali Radası prezident Zelenskinin tapşırığı ilə Nazirlər Kabineti tərəfindən hazırlanmış və Ukrayna Pravoslav Kilsəsinin fəaliyyətini qadağan etməyə imkan verən qanun layihəsini birinci oxunuşda qəbul edib.
Mənbə: A Haber