Azərbaycanda son 5 gündə 3 tələbə ölüb

Azərbaycanda dünən daha bir tələbənin ölümü ilə son günlər ölən tələbələrin sayı 3-ə çatıb. 

“Qafqazinfo” xəbər verir ki, ötən axşam Dövlət İqtisad Universitetinin III kurs tələbəsi Ramil Kazımov dünyasını dəyişib. Onun intihar etdiyi bildirilir.

Dünən eyni zamanda Bakı Dövlət Universitetinin builki məzunu Ayşən İsmayılzadə də vəfat edib. Onun revmatizm xəstəliyindən əziyyət çəkdiyi, uzun illər buna görə müalicə aldığı deyilir.

İyulun 19-da isə Azərbaycan Dövlət Neft Sənaye Universitetinin tələbəsi Mikayıl Əzizov meningit, pnevmoniya xəstəliyi səbəbindən dünyasını dəyişib. Onun ailənin tək övladı olduğu bildirilib.

Qeyd edək ki, hər üç tələbə haqqında məlumatları feysbuk sosial şəbəkəsində “Azərbaycan universitetləri” səhifəsi paylaşıb.

İctimai.az