24.kg xəbər verir ki, Bişkek Şəhər Daxili İşlər İdarəsinin rəisi Əzəmət Toktonəliyev şəhərin mərkəzində izdihamla danışıqlar aparıb.
Danışıqlardan sonra bəzi şəxslərin evlərinə getməyə razılıq verdiyi qeyd edilir. Ümumiyyətlə, söhbət sakit atmosferdə keçdi.
Bundan əvvəl 24.kg agentliyi məlumat vermişdi ki, Bişkekin mərkəzində daxili qoşunlar insanların toplaşdığı küçəni mühasirəyə alıb. Hadisə yerinə su şırnaqları gətirilib. Yataqxanada baş verən qarşıdurmadan sonra çoxlu insan toplaşıb. Daxili qoşunlar küçəni mühasirəyə alıb. Agentliyin məlumatına görə, təhlükəsizlik qüvvələri Çuyski prospekti ilə 7 aprel küçəsinin kəsişməsində dayanıb. Etirazçılar kütləvi davada iştirak edənlərə ədalət tələb edir.
Mənbə: gazeta.ru
