Amerika Dövlət Departamentinin verdiyi məlumata görə, ABŞ dövlət katibi Entoni Blinken G7-nin digər ölkələrindən olan həmkarları ilə görüşüb. Fələstin-İsrail münaqişəsinin gərginləşməsinin müzakirəsi zamanı söhbət iştirakçıları İsrailə hərbi dəstək məsələlərini qaldırıblar. Bu barədə RİA Novosti yazır.
Görüşdə İsrailin özünü müdafiə qabiliyyətinə dair ortaq öhdəlik təsdiqlənib və Qəzza zolağında girovların azad edilməsi və mülki şəxslərə humanitar yardımın çatdırılması zərurətinə toxunulub.
Həmçinin məlum olub ki, ABŞ prezidenti Co Bayden cümə axşamı Oval kabinetdən “ölkəsinin HƏMAS-ın İsrailə qarşı terror hücumlarına və Ukraynadakı münaqişəyə reaksiyası” mövzusunda praym-taym çıxışı edəcək. Bu barədə Ağ Ev məlumat yayıb.
Mənbə: RİA Novosti