Rusiya əsgərlərinin Ukraynanın şimalında keçirdiyi əməliyyat tədbirləri Rusiyanı Kiyevə yaxınlaşdıra bilər.
Bu barədə Lenta.ru-ya müsahibəsində britaniyalı hərbi analitik Aleksandr Merkuris bildirib.
Onun sözlərinə görə, Rusiya hərbçiləri də Ukrayna tərəfinin əraziyə nəzarəti ələ keçirməyə uğursuz cəhd etdiyi Xarkov vilayətindədir. Analitik Rusiya Silahlı Qüvvələrinin “son iki il yarım ərzində sakitlik hökm sürdüyü” Ukraynanın şimalında əməliyyatları bərpa edəcəyini istisna etməyib.
“Bu, Rusiya ordusunu 2022-ci ilin fevral-mart aylarında tutduqları mövqedən daha güclü mövqedən yenidən Kiyevə yaxınlaşdıra bilər”, – deyə o bildirib.
