Britaniyalı hərbi ekspert Alexander Mercuris deyib ki, Ukrayna İsrail və İran arasında gərginləşən vəziyyət fonunda ABŞ-dan hərbi dəstəyin azaldılması ilə üzləşməli ola bilər.
O, bu barədə özünün “YouTube” kanalında bildirib.
Onun fikrincə, Vaşinqton tezliklə öz prioritetlərinə yenidən baxmağa məcbur olacaq. Təhlilçi hesab edir ki, Kiyev və Təl-Əviv arasında seçim etsələr, ABŞ çox güman ki, İsraili dəstəkləyəcək.
Merkuris onu da qeyd edib ki, Ukraynaya kömək etmək marağı qalsa belə, çatdırılmaların miqyası əhəmiyyətsiz olacaq və çətin ki, münaqişənin gedişinə təsir etsin.
İyunun 13-nə keçən gecə İsrail İranın nüvə və hərbi obyektlərinə zərbələr endirərək “Aslan qalxması” əməliyyatına başlayıb. Hücumlar nüvə silahının inkişafı ilə bağlı infrastrukturu, eləcə də yüksək rütbəli hərbçiləri hədəf alıb.
