Britaniyanın Sky News telekanalı xəbər verir ki, Britaniya hakimiyyəti Kral Hərbi Hava Qüvvələrinə məxsus təyyarəni zədələyən 4 nəfərə rəsmi ittiham irəli sürüb.
İyunun 20-də Fələstin tərəfdarları Oksfordşirdəki Kral Hərbi Hava Qüvvələrinin ən böyük bazası Brize Nortona daxil olublar. Onlar iki Voyager yanacaq dolduran təyyarəni lomla zədələyib və turbinlərinə qırmızı boya səpiblər. Zərər 7 milyon funt sterlinq (9,56 milyon dollar) təşkil edib.
Hadisə ilə bağlı antiterror polisi tərəfindən araşdırma aparılıb. Nəticədə, Fələstin tərəfdarları Böyük Britaniyanın təhlükəsizliyinə və ya maraqlarına zərər vurmaq məqsədi ilə qapalı əraziyə daxil olmaqda ittiham olunublar.
