İngiltərənin “The Independent” qəzeti xəbər verir ki, Çində ağcaqanadlar vasitəsilə yayılan çikunqunya virusunun yayılması səbəbindən COVID-19 pandemiyası zamanı istifadə edilənlərə bənzər profilaktik tədbirlər tətbiq edilib.
Nəşr bildirir ki, Çində 7 mindən çox virusa yoluxma halı qeydə alınıb. Hadisələrin əksəriyyəti ölkənin ən böyük istehsal mərkəzi olan Foşanda aşkarlanıb.
Çikungunya virusu ağcaqanadlar tərəfindən daşınır və 40 dərəcəyə qədər qızdırma, baş ağrıları, ürəkbulanma, əzələ və oynaq ağrılarına səbəb olur. Nəşr aydınlaşdırır ki, Çində epidemiyanın aradan qaldırılması üçün milli səviyyəli protokollardan istifadə olunur.
Məqalədə deyilir: “Səlahiyyətlilər, geniş yayılmış dezinfeksiyaedici çiləmə də daxil olmaqla, Covid pandemiyası zamanı istifadə olunanlara bənzər ciddi profilaktik tədbirlər tətbiq etdilər”.
